Ufugaji wa nyuki unafanyika kwa kuzingatia sera ya Taifa ya ufugaji Nyuki ya mwaka 1998, sheria ya ufugaji Nyuki ya mwaka 2002 na Kanuni za ufugaji Nyuki ya mwaka 2005. Sera ya Taifa ya ufugaji Nyuki ya mwaka 1998 imelenga mambo makuu matatu ambayo ni:-
Kukuza uchumi wa Taifa
Kuhifadhi Mazingira
Manufaa ya kijamii
2: KITENGO CHA UFUGAJI NYUKI
Ni miongoni mwa vitengo sita (6) katika Halmashauri ya wilaya ya Uvinza. Kitengo hiki kinatekeleza majukumu yake kwa kuzingatia Sheria, Kanuni na Miongozo mbalimbali inayotolewa na Ofisi ya Rais TAMISEMI na Wizara ya Maliasili na Utalii.
3:0 MAJUKUMU YA KITENGO CHA UFUGAJI NYUKI
Kuhakikisha wafugaji wa Nyuki wanapata elimu juu ya ufugaji bora na teknolojia mpya za uzalishaji mazao ya nyuki kama,asali, nta n.k
Kutoa elimu juu ya uchakataji, ufungashaji na biashara ya mazao ya Nyuki
Kusimamia sera, sheria na kanuni za ufugaji nyuki
Kusimamia uanzishaji na uhifadhi wa manzuki
Kuondoa Nyuki wanao hatarisha usalama katika makazi ya watu
Kukusanya takwimu za uzalishaji wa mazao ya Nyuki na kuandaa taarifa za utekelezaji
3:1 Elimu inayotolewa
Elimu inayotolewa inahusu mambo yafuatayo:-
Nyuki na tabia zake
Maadui wa nyuki na namna ya kuwakabili
Ufugaji nyuki wa kisasa
Matumizi ya zana za ufugaji na uvanaji
Uanzishaji na usimamizi wa manzuki
Uambikaji, utundikaj na uingizaji wa makundi ya Nyuki katika mizinga
Mazao ya Nyuki
Sera, Sheria na Kanuni za ufugaji Nyuki
Elimu ya ujasilimia mali
Elimu ya utunzaji mzingira kwa ajili ya ufugaji mahuluku
4: FAIDA ZA UFUGAJI NYUKI
Nyuki hawahitaji uangalizi wa kila siku
Ufugaji Nyuki hauhitaji mtaji mkubwa na mapato yatokanayo na shughuri hii hupatikana kwa muda mfupi
Hauhitaji ardhi yenye rutuba
Ufugaji wa Nyuki unawezwa kufanywa na wanaume na wanawake wa rika zote
Ni ajira binafsi
Asali ni chakula bora lakini mazao mengine ya Nyuki kama nta, mboji, jeli ya kifalme ni biashara kwani hutumika viwandani katika utengenezaji wa mishumaa, mafuta, dawa n.k
Huongeza uzalishaji wa Mazao mengine kama alizeti, matunda n.k
Ufugaji Nyuki unatunza ikolojia na kuboresha baionuwai
5: KIKUNDI CHA UFUGAJI
Ili kuanzisha kikundi cha ufugaji Nyuki taratibu zifuatazo zifuatwe:
Kikundi kiwe na katiba
Kisajiliwe kwa Mkurugenzi wa Halmashauri (wasiliana na Afisa mtendaji kuhusu taratibu za kusajili kikundi)
Wanakikundi wawetayari kupewa mafunzo ya ufagaji Nyuki na ujasilia mali. Mafunzo yatatolewa kwa muda na siku mtakayo kubaliana na wataalam
Zingatia: Ufugaji binafsi au kikundi kuanzishwa inabidi kuzingatia sana uwepo wa eneo la kufugia Nyuki (Manzuki).
6: VITUO VYA UKUSANYAJI NA UCHAKATAJI WA MAZAO YA NYUKI KATIKA HALMASHAURI
Ili kua na mazao ya Nyuki yenye kukidhi viwango vya ubora kwa ajili masoko ya kimataifa na soko la ndani kwa ajili ya afya za watumiaji na kupata idhini kutoka katika mamla ya chakula na shirika la viwango TBS, Halmashauri ina vituo vya ukusanyaji na uchakataji Mazao yanyuki, vifuatavyo:-
Chama cha Ushirika cha Wafugaji Nyuki Mfungezi (Mfungezi Beekeepers Cooperatives)
Mahali: Nguruka
Chama cha Ushirika cha Wafugaji Nyuki Kazaroho (Kazaroho Beekeepers Cooperatives)
Mahali: Uvinza
Chama cha Ushirika cha Wafugaji Nyuki Mwakila (Mwakila Beekeepers Cooperatives)
Mahali: Ilagala
7: WADAU
Ni mashirika, wakala, taasisi au watu binafsi ambao huwezesha Kitengo cha Nyuki katika utekerezaji wa majukumu. Mfano wa wadau hao ni; TFS, BTC, Jane Goodall, TUUNGAME, n.k
Wadau, wakala, taasisi na watu binafsi mnakaribishwa sana kuwezesha/kushiriki na Kitengo cha Ugugaji Nyuki kwa pamoja ili kufikia lengo la sera ya ufugaji Nyuki ya mwaka 1998 ambayo ni:-
